Egnatia ka marrë një fitore të rëndësishme në transfertë kundër Tiranës, në takimin e javës së 13-të të Superiores. Përballja e luajtur në “Selman Stërmasi” u mbyll me shifrat 0-1.
Goli vendimtar u shënua në minutën e 27-të nga Bakayoko, i cili tund rrjetën nga pika e bardhë, duke i dhënë epërsinë kampionëve në fuqi. Tirana u përpoq të reagonte fort në pjesën e dytë dhe sidomos në 20 minutat e fundit, ku shtoi presionin, por bardheblutë nuk arritën të gjenin golin e barazimit.
Me këtë sukses, Egnatia ngjitet në kuotën e 25 pikëve dhe mban vendin e dytë së bashku me Elbasanin kryesues. Ndërkohë, Tirana vijon të vuajë në fund të tabelës, me vetëm 7 pikë pas 13 ndeshjesh.
Ndërkonë sfida e Ballshit mes Bylisit dhe Dinamos u mbyll në barazim pa gola. Pavarësisht përpjekjeve të të dyja skuadrave për të gjetur golin, nuk pati ndryshim rezultati, me Dinamon që humb disi terren në garën për titullin kampion, ndërsa Bylisi shkon në kuotën e 13 pikëve, në zonën play out.
Discussion about this post