Greqia është përfshirë nga protesta prej tre ditësh. Edhe këtë të martë është paralajmëruar të mbahet protestë në akset kryesore në Greqi. Fermerët një ditë më parë u përfshinë në përplasje me policinë gjatë tubimit. Ndërkohë sipas mediave greke , fermerët kanë njoftuar se protesta e tyre do të vijojë me bllokimin e porteve.
Këtë të martë kësaj revolte do t’i bashkohen edhe blegtorët.
Duket se edhe në ditët në vijim do të ketë bllokada të tjera në Beoti dhe Evros , ndërsa fermerët po deklarojnë hapur qëllimin e tyre për të vazhduar me bllokadat e porteve dhe doganave.
Policia Kufitare Kakavijë njofton se autoritetet greke kanë informuar, përmes qendrës së përbashkët të shkëmbimit të informacionit, se sot nga ora 16:00 deri në 21:00 (me orën greke) aksi rrugor Kakavijë–Janinë, në zonën e fshatit Kallpaq, do të jetë i bllokuar.
Shkak për mbylljen e qarkullimit është protesta që fermerët grekë do të zhvillojnë në këtë segment rrugor.
Gjatë orëve të bllokimit do të lejohen të kalojnë vetëm automjetet që paraqesin emergjenca shëndetësore, ndërsa për të gjitha mjetet e tjera trafiku do të jetë i ndaluar.
Policia Kufitare Kakavijë kërkon mirëkuptimin e qytetarëve dhe u rekomandon të planifikojnë udhëtimet drejt ose nga Greqia në orare të tjera të ditës, për të shmangur vonesat dhe situatat problematike.
Discussion about this post