Shkodër/ Të shtëna me armë dhe kanosje ndaj 20-vjeçarit, autori vihet në pranga

Të shtëna me armë zjarri janë regjistruar sot në Shkodër.

Ngjarja ka ndodhur pranë Stacionit të Trenit teksa forcat e rendit kanë shkuar në vendngjarje pas informacionit të marrë.

Sipas njoftimit të policisë një 26-vjeçar, Altin Shpendi ka kanosur me armë zjarri një 20-vjeçar duke qëlluar fillimisht në ajër dhe më pas duke u larguar nga vendi i ngjarjes.

Forcat e rendit kanë krehur zonën duke bërë të mundur identifikimin dhe arrestimin e të riut.

Policia e Shkodrës po vijon hetimet për të dokumentuar plotësisht rrethanat dhe motivet e incidentit.

Njoftimi:

Specialistët për Hetimin e Krimeve të Komisariatit të Policisë Shkodër, në bashkëpunim me shërbimet e Patrullës së Përgjithshme, të mbështetura nga Forca e Posaçme “Shqiponja”, menjëherë pas marrjes së njoftimit se në lagjen “Tre Heronjtë”, një shtetas kishte kanosur me armë zjarri një shtetas tjetër, kanë organizuar punën për identifikimin e autorit dhe zbardhjen e rrethanave të rastit.

Pas reagimit të policisë u bë e mundur identifikimi, kapja dhe arrestimi i autorit të dyshuar, shtetasit A. Sh., 26 vjeç.

gijotina.com/