“Baza kërkon revoltë, ne bëjmë foltore”, Ervin Salianji: Dua të mund Edi Ramën! S’mund të presim zgjedhjet e tjera dhe të qajmë prapë

Anëtari i Kryesisë së PD, Ervin Salianji, ka shpalosur projektin e tij për rrëzimin e qeverisë.

“Ishin 500 njerëz dje në takim. Dje në Durrës ishte struktura e PD. Ishte kryetari i degës, 2 nënkryetarët, sekretarin e degës, më të votuarit e primareve. Ishte Ilir Alimehmeti, Ndrec Pjetri, Aulon Kalaja, Hysen Kadiu. Shkova për të zgjuar dhe për të ripërtërirë PD-në.

S’mund të presim të vijnë zgjedhjet e tjera, të qajmë prap, unë dua të mund Edi Ramën. Anëtarësia e PD kërkon revoltë, ne bëjmë foltore. Anëtarësia kërkon analizë, ne themi zgjedhjet janë vjedhur”, tha Salianji.

I pyetur se çfarë synon me këtë lëvizje, Salianji tha se sot PD nuk po funksion.

“Kam një lloj kontributi në PD, opozitë bëj se dua, nuk paguhem, as kam interes personal, personale e ktheu Edi Rama se më dënoi për politikë”, tha Salianji.

Ervin Salianji: Ishin 500 njerëz dje në takim. Dje në Durrës ishte struktura e PD. Ishte kryetari i degës, 2 nënkryetarët, sekretarin e degës, më të votuarit e primareve. Ishte Ilir Alimehmeti, Ndrec Pjetri, Aulon Kalaja, Hysen Kadiu.

Shkova për të zgjuar dhe për të ripërtërirë PD-në. S’mund të presim të vijnë zgjedhjet e tjera, të qajmë prap, unë dua të mund Edi Ramën. Anëtarësia e PD kërkon revoltë, ne bëjmë foltore. Anëtarësia kërkon analizë, ne themi zgjedhjet janë vjedhur…

Nuk dua funksion në PD. Kam një lloj kontributi në PD, opozitë bëj se dua, nuk paguhem, as kam interes personal, personale e ktheu Edi Rama se më dënoi për politikë.

Ervin Salianji ka artikuluar hapur pakënaqësitë ndaj Sali Berishës, duke theksuar se lidershipi demokrat nuk po dëgjon zërin e anëtarësisë dhe, më e rëndësishmja – shtoi ai, nuk po i përgjigjet nevojës së shoqërisë për ndryshim.