Mesfushori i Akademisë Vllaznia U19, Erman Pishtari, po zhvillon një sezon shumë të mirë, duke u shndërruar në një nga pikat më të forta të skuadrës. Me një stil loje të matur, vizion të qartë dhe aftësi për të lexuar situatat në fushë, Pishtari po fiton gjithnjë e më shumë peshë në repartin e mesfushës. Performancat e tij kulmuan edhe me dy gola të rëndësishëm në ndeshjet ndaj Teutës dhe Dinamos, ku ai tregoi aftësi të mira në finalizim dhe prani të fortë në momentet vendimtare.
Goli ndaj Teutës erdhi pas një veprimi të ndërtuar mirë nga ekipi, ku Pishtari u përfshi me saktësi në aksion dhe përfundoi gjithçka me një goditje të kontrolluar. Ndërsa ndaj Dinamos ai shfaqi vendosmëri dhe siguri, duke gjetur rrugën e rrjetës me një goditje të saktë që vulosi një tjetër paraqitje të shkëlqyer të tij.
Rritja e vazhdueshme, disiplinimi taktik dhe kontributi i tij në të dyja fazat e lojës po e bëjnë Erman Pishtarin një perspektivë shumë premtuese për të ardhmen e Vllaznisë, me pritshmëri që ai të vazhdojë të shfaqet si një lojtar i rëndësishëm në vitet në vijim.
Pishtari po tregon gjithashtu një maturi të rrallë për moshën e tij, duke marrë përgjegjësi në momente kyçe dhe duke udhëhequr qarkullimin e topit me qetësi. Ai dallon për inteligjencën taktike, qëndrueshmërinë fizike dhe aftësinë për t’u përshtatur shpejt me ritmin e lojes.Ndërsa pritshmëritë janë që ai të vazhdojë këtë rrugë zhvillimi dhe të bëhet një nga lojtarët më të rëndësishëm të gjeneratës së tij në Akademinë Vllaznia.
Discussion about this post