Gazetari Osman Stafa ka publikuar denoncimin e një qytetareje që tregon gjendjen dramatike në shërbimin onkologjik të QSUT-së.
Sipas denoncimit bashkëshorti i saj, i prekur nga kanceri i veshkave, detyrohet të paguajë 2500 euro çdo tre javë për imunoterapinë me pembrolizumab, sepse shteti nuk e rimburson këtë diagnozë.
Ky ilaç rimbursohet vetëm për kancerin e gjirit dhe melanomën, ndërsa pacientët me diagnoza të tjera mbeten pa shpresë.
“Ky nuk është sistem shëndetësor. Ky është një shtet që të thotë: paguaj, ose vdis,” – shprehet ajo.
Axitinibi, një tjetër medikament i rimbursuar nga shteti, mungon prej javësh në farmacinë e QSUT-së.
Pacientët detyrohen ta ndërpresin terapinë ose ta blejnë vetë në treg, me një kosto marramendëse: 3 milionë lekë të vjetra në muaj.
Postimi i Osman Stafës:
Sot mora këtë mesazh nga Onkologjiku.
Bashkëshorti i një gruaje po bën imunoterapi që kushton 2500 euro (pembrolizumab) çdo 3 javë, sepse shteti nuk e rimburson kancerin e veshkave. Ata e sigurojnë kontrabandë. Pembrolizumab rimbursohet vetëm për kancerin e gjirit dhe melanomën. Tē tjerët të vdesin.
Axitinibi, ilaç i rimbursuar nga shteti, mungon në farmacinë e QSUT-së, ndaj pacienti duhet ta ndërpresë terapinë. Ose ta blejë vetë: 3 milionë lekë të vjetra në muaj.
Ky nuk është sistem shëndetësor.
Ky është një shtet që të thotë: paguaj, ose vdis.
Dhe ky quhet krim ndaj pacientëve me kancer.
Discussion about this post