Ajax merr 3 pikët e para në Ligën e Kampioneve dhe kjo vjen në momentin më të vështirë të tij. Skuadra holandeze arriti të mposhtë Qarabag në fushën e këtij të fundit me rezultatin 4-2, një sukses ky që erdhi me përmbysje në rezultat.
Qarabag e nisi më mirë ndeshjen teksa në minutën e 10 mori avantazhin në rezultat 1-0 me golin e Duran. Por Ajax reagoi dhe iu afrua golit të barazimt me Dolberg dhe Mokion. Megjithatë në minutën e 39 skuadra holandeze arriti të gjejë rrugën e rrjetës teksa shënoi me Dolberg për të barazuar shifrat në 1-1.
Edhe në pjesën e dytë ishin azerët ata që e nisën më mirë teksa në minutën e 48 rezultati shkoi në 2-1 për Qarabag me Matheus Silva duke rritur presionin te Ajax që vinte në këtë përballje pa asnjë pikë. ‘harkëtarët reaguan dhe në minutën e 79 barazuan shifrat në 2-2 me Gloukh, ndërsa në minutën e 83, Ajaxi përmbysi gjithçka teksa shënoi me Gaaei për të cuar rezultatin në 3-2.
Historitë e kësaj ndeshjeje nuk u mbyllën këtu pasi Ajax shënoi edhe golin e 4-t me Gloukh për të fiksuar fitoren 4-2 të skuadrës holandeze që mori kështu fitoren e parë në këtë sezon në Ligën e kampioneve, ndërsa Qarabag mbetet me 7 pikë dhe tani sheh t’i komplikohet cështja e kalimit në playoff.
gijotina.com/
Discussion about this post