Ministrja gjermane e Shtetit, Anna Lührmann, pritet të vizitojë sot kryeqytetin shqiptar, një ditë pas vizitës së saj në Maqedoninë e Veriut. Në Shqipëri, ministrja e re gjermane do të takohet sot me kryeministrin Edi Rama, zv.kryeministrin Arben Ahmetaj dhe me zëvendësministren e jashtme, Megi Fino. Veç përfaqësuesve të shoqërisë civile, ministrja do të takohet edhe me Albert Hanin, kryetarin e Byrosë Rajonale të Bashkëpunimit Rinor (RYCO).
Takimi me Zëvendëskryeministrin Arben Ahmetaj mësohet se do të zhvillohet në orën 09:30 në ambientet e Kryeministrisë, ndërsa menjëherë më pas pritet që ata të dalin në një konferencë për shtyp.
Në qendër të diskutimeve mes palëve mësohet të jenë marrëdhëniet dy palëshe, procesi i integrimit në Bashkimin Evropian, bashkëpunimi rajonal dhe programi i Shqipërisë si vend anëtar i ri jo i përhershëm i Këshillit të Sigurimit të Kombeve të Bashkuara.
Ministrja gjermane e Evropës, Anna Lührmann, vizitoi për herë të parë Maqedoninë e Veriut ditën e djeshme. Ajo zhvilloi takime me Presidentin e Maqedonisë së Veriut, Stevo Perandovski, Kryeministrin e emëruar, Dimitar Kovaçevski (LSDM), zëvendëskryeministrin e emëruar, Bojan Mariçiç, ministrin e jashtëm, Bujar Osmani (BDI), si edhe me përfaqësues të shoqërisë civile.
Discussion about this post