Kandidati për Avokat të Popullit, Besim Ndregjoni, ka reaguar ashpër kundër Sali Berishës dhe Partisë Demokratike, pas zgjedhjes së Endri Shabanit në krye të institucionit.
Në një prononcim për mediat, Ndregjoni deklaroi se Berisha ka detyrimin t’u kërkojë falje jo vetëm atij personalisht, por gjithë të përndjekurve politikë. Ai akuzoi PD-në dhe PS-në se kanë krijuar “pazare të fshehta” mes tyre.
“Partia Demokratike dhe Sali Berisha duhet të dalë publikisht, jo të kërkojë falje Besim Ndregjonit, por t’i kërkojë falje të përndjekurve politikë. Opozita dhe Sali Berisha duhet të thonë qartë: a janë antikomunistë apo komunistë? Nëse janë komunistë, le të puthen me Edi Ramën siç puthen çdo natë dhe të vazhdojnë rrugën e tyre”, u shpreh Ndregjoni.
Reagimi i tij vjen në një moment tensionesh të forta politike pas votimit të kandidatëve për Avokat të Popullit.
Discussion about this post