SPAK dhe Byroja Kombëtare e Hetimit (BKH) po zhvillojnë një operacion në kuadër të hetimeve për tenderat e dhëna nga Agjencia Kombëtare e Shoqërisë dhe Informacionit (AKSHI). Gjatë operacionit janë ushtruar dhjetëra kontrolle dhe janë lëshuar gjashtë masa sigurie për personat e përfshirë në këtë dosje.
Si pjesë e hetimeve, janë vendosur urdhra arresti për drejtoreshën e AKSHI-t, Mirlinda Karçanaj, e cila do të qëndrojë nën “arrest shtëpie”, ndërsa për Ergys Agasin dhe biznesmenin Ermal Beqiraj janë caktuar masat “arrest me burg”.
Në lidhje me këtë çështje, zëvendësdrejtori i krimeve në Policinë e Tiranës, Erion Ismaili, është pezulluar nga detyra, ndërkohë që hetimet për këtë dosje vijojnë intensivisht për të sqaruar të gjithë rrethanat e përfshirjes së individëve dhe kompanive në tenderat e AKSHI-t.
Discussion about this post