Prokuroria e Posaçme kundër Korrupsionit dhe Krimit të Organizuar, ka paraqitur sot, 16 dhjetor, kërkesë për dhënien e autorizimit nga Kuvendi i Republikës së Shqipërisë për heqjen e imunitetit të zv.kryeministres Belinda Balluku.
Në njoftimin zyrtar, theksohet se kërkesa konsiston në dhënien e autorizimit për arrestimin ose heqjen e lirisë së ministres së Energjisë e Infrastrukturës, njëherësh deputete.
Menjëherë pas kësaj kërkese, Kryetari i Kuvendit Niko Peleshi ka pranuar zyrtarisht ardhjen e kërkesës nga SPAK dhe ka njoftuar anëtarët e Këshillit për Rregulloren, Mandatet dhe Imunitetin, mëson Fax News.
Anëtarët e Këshillit:
Nga PS:
Niko Peleshi
Taulant Balla
Ulsi Manja
Bledi Çuçi
Bledi Çomo
Nga PD
Gazment Bardhi
Oerd Bylybashi
Elda Hoti
Gent Strazimiri
Saimir Korreshi
Këshilli për Rregulloren, Mandatet dhe Imunitetin duhet të shqyrtojë kërkesën dhe brenda 2 javësh harton raportin, ku rekomandon miratimin ose rrëzimin e saj. Raporti u shpërndahet deputetëve. Më pas, kërkesa futet si pikë e parë e rendit të ditës në seancën plenare.
Vendimi merret me votim të hapur.
Nëse Kuvendi nuk shprehet brenda 3 muajve, kërkesa e Prokurorisë së Posaçme AntiKorrupsion konsiderohet e rrëzuar.
Discussion about this post