Protesta e PD, Berisha tregon skenarin: Nuk do e lirojmë sheshin derisa Rama të ikë

Në takimin me Këshillin Kombëtar, i pari në 7 muaj pas zgjedhjeve të 11 majit, Berisha bëri me dije axhendën vijuese të Partisë Demokratike. Ai kërkoi nga anëtarët angazhim maksimal me qytetarët sepse është koha e guximtarëve.

“Këto ditë që kanë mbetur, jeni të lutur, ju kërkoj të angazhoheni në takime intenisve me qytetarët. Është koha e guximtarëve, mos e harroni këtë!”

Berisha tha se qeveria nuk do t’u rezistojë protestuesve që do të mbushin sheshin në protestën kombëtare të 22 dhjetorit.

“Kjo qeveri nuk u reziston kurrë 3 apo 5 mijë burrave, grave, djemve që vendosin të zënë sheshin para kryeministrisë dhe të mos e lëshojnë atë derisa të ikë.”

Kreu i PD tha se plani janë protestat e forta dhe të fuqishme për të rrëzuar Ramën. Berisha tha se Rama “i ka kohërat e numëruara” dhe s’ka asgjë që e shpëton nga PD.

“Agjenda jonë do të jetë protestë, protestë dhe vetëm protestë. Kudo, brenda e jashtë Shqipërisë, degët tona kudo që janë do të angazhohen në protesta të fuqishme kundër këtij regjimi, pranë organizatave ndërkombëtare. Edi Rama i ka kohërat e numëruara. Forcë në botë që ta shpëtojë nga Partia Demokratike dhe opozita shqiptare nuk ka.”

Sipas kreut të PD, Rama do të dorëhiqet vetëm nëse ngrihen të gjithë. Duke paralajmëruar një nisje të protestave pa ndalim, Berisha tha se kjo është ora e thirrjes për cdo shqiptar dhe këtë herë beteja është me sakrificë dhe përballje.

Sali Berisha: A kemi bërë ne përpjekjen finale për rrëzimin e Ramës, jo nuk e kemi bërë. Ne kemi bërë shumë protesta, mirë kemi bërë, kemi treguar të themi muskujt. Kemi bërë lëvizje, nuk ishin ato që mund të rrëzonin Edi Ramën/ Edi Ramën e rrëzon ajo lëvizje që ngjit dhe nuk shqitet. Ajo që bëhet me të gjitha format. Tani jemi në të drejtën e zotit, kemi ligjin ndërkombëtar që thotë se zgjedhjet i ka dhunuar, që zgjedhjet i bëri farsë, kemi pëpjekjet e tij të cmendura për të kontrolluar gjithcka në këtë vend dhe së fundmi peng i lubi Ballukut. E dëgjuat dosjen që doli, dosja më e pashëmbullt në historinë e një shteti.

gijotina.com/