Tensione janë shënuar në Kuvend që në orët e para të ditës, pa nisur ende seanca plenare. Deputetët e Partisë Demokratike kanë zënë vendet e rezervuara për ministrat në sallë, duke shkaktuar përplasje verbale dhe një situatë kaotike.
Mes tyre, deputeti Klevis Balliu dhe sekretari i përgjithshëm i PD-së, Flamur Noka, janë ulur në vendin e zv.kryeministres Belinda Balluku.
Në mes të tensioneve, kreu i grupit parlamentar të PD-së, Gazment Bardhi, ka reaguar me tone të larta, duke akuzuar mazhorancën dhe duke bërë thirrje të drejtpërdrejta: “Çojini në burg”.
Kreu I Partisë Demokratike, Sali Berisha reagoi ashpër ndaj ndërhyrjes së Gardës, duke e cilësuar atë si një shkelje të rëndë.
“Prekja e deputetëve është një akt i turpshëm dhe i papranueshëm”, deklaroi Berisha, duke akuzuar mazhorancën për përdorimin e forcës.
Discussion about this post