Policia shqiptare ka kapur në portin e Durrësit, një ngarkesë prej 143 kg kokainë. Kokaina ka pasur profilin e trafikantit më të madh në botë Pablo Eskobar dhe me mbishkrimin “El Mijor”,
Në prangat e drejtësisë ranë Erion Peti dhe Klajdi Xibraku nga Tirana, që të dy aksionerë të kompanisë së eksportit të frutave e quajtur “Masabi Fruits”.
Pas gati 10 muaj qëndrim në burg, Erion Peti, i arrestuarit në muajin Prill 2021, si person që dyshohej se ishte i përfshirë në trafikun e kokainës nga vendet e Amerikës Latine në Shqipëri, është liruar nga Gjykata e Apelit Durrës.
Peti u ndalua së bashku me Klajdi Xibrakun, ku ky i fundit vijon të qëndrojë në qeli, megjithëse rrugën ligjore është duke e ndjekur në të njëjtën linjë me atë që e nxori nga qelia, Erion Petin.
Vendimi për lirimin e Petit është marrë sot nga gjyqtarja e Apelit, Anita Mici, e cila gjatë seancës gjyqësore pranoi kërkesën e avokatëve mbrojtës, duke urdhëruar zëvendësimin e masës së sigurisë nga “arrest në burg” dhe lënë pa asnjë masë shtrënguese të arrestuarin Peti.Peti së bashku me ortakun e tij, Klajdi Xibraku, kanë kryer disa kërkesa për të dalë nga burgu, por ato kanë qenë të dështuara në shkallën e parë dhe në atë të Apelit. Të njëjtin rrugëtim ligjor është duke e ndjekur dhe i arrestuari tjetër në këtë çështje, Klajdi Xibraku, i cili ka shumë gjasa që në ditët në vijim të lerë edhe ai qelinë.
E për pasojë dosja penale e regjistruar në prokurorinë e Durrës, e cila bën fjalë për trafikimin e 143 kg kokainë të pastër, të mbetet pa autor.
Që në momentin e arrestimit, Xibraku dhe Peti e kanë mohuar se kanë lidhje me trafikun e kokainës.
Ndërsa gjatë marrjes në pyetje kanë pranuar se për shkak të biznesit që kishin, kanë udhëtuar disa herë në Ekuador, me qëllim lidhjen e marëveshjeve dhe kontratave për blerjen e bananeve dhe frutave të tjera ekzotike.
Tashmë pritet që në ditët në vijim prokuroria e Apelit Durrës, të ushtrojë rekurs në Gjykatën e Lartë, ku do kërkojë kthimin në burg të, Erion Petit.
Discussion about this post