Kreu i LZHK, Dashamir Shehi, ka komentuar vizitën e presidentit turk Erdogan në vendin tonë. Ai tha se ky takim po manipulohet duke treguar se ne vetëm po marrim të mira nga Turqia, por sipas llogarive të tij dhe ne kemi bërë shumë shpenzime për ta.
Ai tha gjatë një interviste televizive se, prezenca turke në politikën, ekonominë dhe shoqërinë shqiptare është e tepruar. Sipas tij, Shqipëria jonë e vogël e ka dhënë të gjithë kontributin e nevojshëm në këtë lloj raporti, madje është disproporcionale, pasi bilanci tregtar çdo vit shkon minimalisht rreth 50mio në favor të Turqisë.
“Unë kam vite që e them hapur, e kam thënë dhe para disa viteve në parlament, se gjykoj që prezenca turke në politikën, ekonominë dhe shoqërinë shqiptare është e tepruar. Dua t’i kujtoj shqiptarëve disa detaje, për ta bërë situatën më konkrete, për të treguar se Shqipëria jonë e vogël e ka dhënë të gjithë kontributin e nevojshëm në këtë lloj raporti.
Raporti është aq disproportional sa ne çdo vit kemi një bilanc tregtar me Turqinë, i cili minimalisht shkon rreth 50mio në favor të Turqisë. Imagjinoni në 30 vite? Ne blejmë 70mio në Turqi dhe shesim 20mio, ku 50mio të parave të shqiptarëve i shkojnë Turqisë”, tha ai.
Shehi tha se duhet të shqetësohemi për faktin se sektorët strategjik në vendin tonë dominohen nga Turqia, duke kritikuar kryeministrin Rama ai tha se duhet parë një pikë tjetër kjo çështje dhe gjërat të bëhet me transparente. “E dyta, shumë sektorë strategjik në Shqipëri janë të dominuar nga turqit. Telekom, Banka Tregtare e cila është 40% e tregut, industritë minerare, industria energjetikë, spitalet, sistemin arsimor e shumë sektorë të tjerë të biznesit në Shqipëri. Më duket se kemi paguar goxha para për Turqinë, prandaj duhet të reflektojmë më ndershmërisht për këtë realitet ekonomik”, ardhja e Erdogan në Shqipëri dhe sidomos deklaratat e Ramës kundrejt tij janë kritikuar shumë nga opozita, duke thënë se kryeministri po i larohet BE dhe bën pakte me sulltanate.
Discussion about this post