Drama në Orikum/ Konflikti mes ish-bashkëshortëve përfundon me dy të vdekur

Detaje të reja janë mësuar lidhur me ngjarjen e rëndë të ndodhur në Orikum, ku një konflikt familjar përfundoi në tragjedi.

Sipas informacioneve paraprake, shtetasi Llogara Xhebroj dyshohet se ka ushtruar dhunë ndaj ish-bashkëshortes së tij, Soso Xhebroj, e cila ka ndërruar jetë si pasojë e plagëve të marra. Gruaja është transportuar fillimisht drejt spitalit, por nuk ka mundur t’u mbijetojë dëmtimeve.

Pas ngjarjes, Llogara Xhebroj është kthyer në banesën e tij, ku dyshohet se i ka dhënë fund jetës me armë zjarri, pistoletë.

Autoritetet policore ndodhen në vendngjarje dhe kanë nisur hetimet për zbardhjen e plotë të rrethanave dhe dinamikës së kësaj tragjedie familjare, ku humbën jetën Soso dhe Llogara Xhebroj. Hetimet vijojnë.