Pas Dëgjesës publike me lëvizjet opozitare, kryedemokrati Sali Berisha ka folur për mediat.
Ai është shprehur se priten protesta dhe se do disktohet brenda rradhës së PD për format e zhvillimit të protestave.
“Protesta të vazhdueshme, kjo do të thotë që sheshi të mbushet çdo ditë. Të gjitha format e zhvillimit do të përcaktohen. Do ngrihen çadra. Me një fjalë do të ketë të gjitha format.“- tha Berisha me vendosmëri.
Teksa më tej është pyetur çfarë pritshmërish do të kemi për pjesëmarrjen e opozitës në seancat parlamentare, kryedemokrati ka mbajtur qendrim të vendosur.
Ai nënvizoi se parlamenti është “asgjesuar” dhe se nuk ka më rëndësi nëse opozita merr pjesë apo jo, pasi si insititucion nuk është më themel i demokracisë.
“Siç e shihni ju parlamenti është ‘asgjesuar’. Kur parlamenti nuk mblidhet për të hequr imunitetin, dhe shkel Kushtetutë, parlamenti defacto.
Edi Rama e ka aneksuar parlamentin. E ka ‘asgjesuar’ parlamentin.
Vajtja jonë ose jo është krejtësisht e parëndësishme.
Parlamenti nuk është më një institucion themelor i demokracisë. Është një vegël në duart e Edi Ramës.
Kjo është e faktuar tani.”– tha Berisha.
Discussion about this post