Teuta do të udhëtojë drejt Elbasanit për të sfiduar vendasit. Një duel shumë i rëndësishëm që do të luhet në “Elbasan Arena”, duke nisur që nga ora 16:30 dhe është e vlefshme për javën e 23-të të kampionatit.
Durrsakët “festojnë” para kësaj sfide, pasi do të kenë më pak “halle” përballë rivalit të tyre. E gjitha kjo ka të bëjë me mungesën e titullarit të padiskutueshëm të verdhebluve. Martin Janacek nuk do të jetë titullarë në portë, pasi mungon për shkak kartonësh.
Lojtari është i pezulluar dhe kështu “makthi” i çdo ekipi në Superiore nuk do të mund të mbrojtë portën. Siç dihet Janacek mban rekordin në Superiore, pasi ka 11 ndeshje në kampionat pa pësuar gol.
Discussion about this post