Kontrollet blic në Tiranë kanë vënë në pranga një 36- vjeçar. Burime nga policia bëjnë me dije se i riu me iniciale A. M., është kapur sot në banesën e tij pasi gjatë kontrollit të ambienteve në pronësi të tij, shërbimet e Policisë kanë gjetur dhe sekuestruar në cilësinë e provës materiale një armë zjarri automatik dhe fishekë luftarakë.
Arrestimi i tij është bërë në kuadër të operacionit policor të koduar “Koordinimi”.
Pritet të zbardhen detaje pas marrjes në pyetje të të arrestuarit i cili do të përballet me akuzën e veprës penale “Armëmbajtje pa leje”.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post