Është zbardhur emri i një tjetër kandidati me të cilin Partia Socialiste pritet të garojë në zgjedhje lokale të 6 marsit. Mësohet se, Mersin Murati është kandidati i PS për Bashkinë e Vorës.
Murati më herët ka qenë prefekti i Tiranës, por tashmë do të kandidojë për kryetar bashkie. Ai ka drejtuar së fundmi Drejtorinë e Administrimit dhe Mbrojtjes së Tokës të Qarkut Tiranë, funksion i deleguar i qeverisë përmes Ministrisë së Bujqësisë. I diplomuar në fushën e Drejtësisë, Murataj ka drejtuar edhe më herët sektorë të ndryshëm të bujqësisë në zona si Kamëz, Vorë etj.
Më herët janë zbuluar emrat e kandidatëve të PS në Durrës dhe Shkodër. Në qarkun e parë Rama i ka dhënë bekimin kryetares në detyrë, Emirjana Sakos, ndërsa në Shkodër do të përfaqësohet nga Majlinda Angoni.
Discussion about this post