Ish-kryeministri Sali Berisha deklaroi ditën e sotme nga Rrësheni se, Lulzim Bashës i është bërë presion nga SHBA me anë të dosjes së “Nick Muzin”. Por ai tha se kjo aferë nuk mbyllet kurrë dhe se Basha bëri zgjedhjen e gabuar, duke i hapur kështu më shumë probleme vetes.
“Dosja Nick Muzin është një nga dosjet me historinë më kriminale në lobim. Ai ka bërë transferta të dënueshme me ligjet shqiptare dhe amerikane. Atij në Shqipëri ia mbylli Edi Rama procesin. Në SHBA, kur prokuroria shqiptare kërkoi dosjen e Nick Muzin dhe dëshminë e tij, i cili ishte një person i ngatërruar në histori të tjera. Dosja erdhi dhe Lulzim Brava u thirr dhe iu dha: me këtë dosje këtu dënohesh të paktën 12 vite, por akoma më rëndë mund të dënohesh atje. Zgjidh e merr. Ose largo Sali Berishën, ose dorëzo veten tënd. Natyrisht pranoi të parën. Por a e zgjidhi problemin? Nuk e zgjidhi”, tha ai.
Që nga dita ku Basha largoi Berishën nga grupi i PD, për shkak të shpalljes “non-grata” nga Dash, mes dy demokratëve ka nisu një “luftë” e hapur për drejtimin e partisë.
Discussion about this post