Tekniku i Elbasanit: Fituam 2 herë për 4 ditë në Turanë/ Shehi: Meritonim më tepër -

Trajneri i Elbasanit, Ivan Gvozdenovic, komentoi fitoren 0-1 ndaj Tiranës.

“Mund të them nga këto 4 ditë kemi fituar dy herë në Tiranë, kundër Partizanit dhe Tiranës. Shumë e vështirë, por çunat bënë një punë fantastike. Ne kemi harmoni shumë të mirë, staf, lojtarë, presidentë dhe tifozë. Kjo është pikë më e fortë nga Elbasani. Ze Gomesh e fitoi formacionin vetë, punoi mirë në stërvitje. Kjo ishte shembull mirë për ne. Kjo është rruga e duhur, jam shumë krenar për ekipin.

Nuk punojmë shumë ekstra se nuk kishte shumë kohë. Ndoshta një energji pozitive pas një rezultati të mirë kundër Partizanit. Ishim të gjithë gati, në maksimum. Ishin 2-3 lojtarë të lodhur, si Manellari dhe Kasa i madh. Ky është sekreti. Dhe një shpirt i madh, që prapë do fitojmë ndeshjen.

Do fillojmë nga pjesa e dytë, Tirana filloi aty me 4 mbrapa, si 4-4-2 apo 4-2-3-1. Ne ishim përgatitur mirë. E dimë pikën e dobët dhe fortë. Tirana ka skuadër të mirë, por ndoshta mesfushorët dhe sulmuesit janë pikë e fortë. Ndoshta 3 apo 4 mbrapa, varet si do luajë, kjo është pika e dobët. Dhe ishim përgatitur andej. Goli i parë erdhi nga një shpejtësi mes Haxhiut dhe Halilit, krosoi mirë Musta dhe shënoi Ze Gomesh. E gjitha e përgatitur mirë, lojtarët i meritojnë të gjitha. Ky është momenti i Elbasanit. Nuk është kollaj të fitosh dy herë për katër ditë, kundër Partizanit dhe Tiranës, por ne jemi Elbasani. Kemi skuadër të mirë, besim të fortë, gjithmonë të luftojmë dhe të gjitha i meritojnë çunat”.

Orges Shehi, trajneri i Tiranës, bëri analizën e tij pas humbjes 0-1 ndaj Elbasanit.

“Në tërësi të ndeshjes, nuk meritonim ta humbisnim, por diçka më tepër. Tensioni është, ndëshkohemi për një mos shkallëzim të mirë. Tabekun nuk e kishim në gjendjen më të mirë, u munduam të krosojmë, të fusim dhe dy lojtarë si Alvarez dhe Kobiljar. Futbolli i tillë është, kjo është ndeshja më e mirë, duhet të vazhdojmë kështu.

Kishim menduar që Vogli të konsumonte më shumë në presion, edhe pse është djalë i ri që kohën nuk e ndan mirë. Dhe për shkak të ngarkesës, pasi ndeshjen e fundit, Kobiljar doli i dëmtuar nga fusha.

Ne edhe me Dinamon luajtëm 4-3-3. Të tentonim, që të dilnim nga krahët. Ose superioriteti në mesfushë me Rafën. Kjo ishte ajo që kërkova. Sot në mbrojtje ishim të sajuar, futëm Verën në krahun e majtë dhe Rimalin në krah të djathtë. Ishte dhe për shkak të pozicioneve, dhe për të marrë masat në thellësi.

Mesfushorët tonë, në pjesën e parë, ne duhet të kishim ndërruar krahun e lojës dhe të mbanim topin në zotërim. Nëse do kërkojmë vertikalizime dhe topa pas shpinë, konsumi është i madh. Kërkuam që kur të merrte topin Rimali, Vogli të shfaqej me diagonale, nëse Rafa i markuar. Për të ndërruar krahun e lojës dhe për të dalë në sulm. Nuk do kërkonim që të vuanim shpejtësinë e Lajthisë, duke ngjitur të pestin tonë, që të vuante në shpejtësi Halili. Menduam që kundërshtari ka manovër që hedh shumë topa në zonë, dhe duheshin 3 lojtarë në qendër. Konsumi është i madh, edhe për shkak të eksperiencës. Vërtetë po vuanim nga krahu i majtë. Nëse do kishim pozicionim më të mirë të Voglit, mund ta zgjidhnim më mirë. Kur ngjitej i pesti i tyre, nuk ndante mirë Halili dhe Vera. Kur lojtari i krahut ngjitej, e merr Vera. Njëherë e bëmë, gabuam me qendërmbrojtësin tjetër që vuajtëm thellësinë. Nuk mbuloi hapësirën, që kishte rastin Elbasani. Këto ishin dy rastet.

Dihet që pozicioni ku jemi duhet të japim më shumë se maksimumin. Duhet të ulim tensionin, prandaj nuk arrijmë të finalizojmë. Sjellja e skuadrës, sidomos në pjesën e dytë, mendoj duke rregulluar shumë pak gjëra, mund të bëjmë më mirë në të ardhmen.