Disa detaje të reja janë zbardhur nga operacioni i policisë Shkodër për arrestimin e shtetasit Bajram Bregu pak ditë më parë.
Në këtë operacion policia arrestoi shtetasin Ervis Baba 43 vjeç pasi ishte drejtuesi i automjetit ku ndodhej Bajram Bregu. I arrestuari bashkë me një 17 vjeçar nuk iu bind urdhrit të policisë për t’u ndaluar dhe shtoi shpejtësinë e makinës.
Shtetasi i prangosur i tha policisë së duke ecur në rrugë një person i ka nxjerrë dorën rastësisht dhe se ka ndaluar duke e marrë në automjet por sipas tij nuk e ka idenë se kush është personi që mori në makinën e tij duke thënë se nuk e di nëse ishte Bajram Bregu apo dikush tjetër.
“Një person më nxori dorën në rrugë teksa po ecja me makinë. U ndala dhe e mora por unë nuk e njoh se kush ishte. Nuk e kam idenë se kush është ai person pasi nuk kam asnjë lidhje me të. Thjeshtë e mora rastësisht teksa po ecja me makinë”, mësohet të ketë thënë 43-vjeçari Baba për policinë e Shkodrës.
Ndërkohë shtetasi tjetër 17 vjeç po ashtu nuk ka dhënë asnjë detaj për policinë e Shkodrës duke patur një heshtje totale.
Policia e Shkodrës në atë operacion sekuestroi gëzhojën e plumbit me të cilën dyshohet se ka qëlluar Bajram Bregu ndërsa sekuestroi edhe një pistoletë me dollap që u gjet afër vendit të ngjarjes.
Pavarësisht kësaj gëzhoja nuk korrespondon me pistoletën e gjetur duke shtuar dyshimet se Bajram Bregu ka patur edhe një pistoletë tjetër prej të cilës ka qëlluar dhe e ka marrë me vete gjatë arratisjes.
gijotina.com/
Discussion about this post