Editoriali me Vuçiç, Berisha "ndihmon" Ramën: PD kërkon seancë dëgjimore -

Editoriali me Vuçiç, Berisha “ndihmon” Ramën: PD kërkon seancë dëgjimore

Në këto ditë të errëta për Kryeministrin Rama, kryetati i PD i vjen në “ndihmë” pa dashje apo me dashje. duke i dhënë mundësinë të hiqet si i moderuar dhe faktor për stabilitet në Ballkan.

Anëtarët e Partisë Demokratike në Komisionin e Jashtëm, kanë thirrur Kryeministrin Edi Rama, lidhur me një editorial të përbashkët me presidentin serb Aleksandër Vuçiç, mbi çështjen e integrimit.

Editoriali i publikuar në median gjermane propozon që vendet e Ballkanit Perëndimor të integrohen gradualisht në tregun e brendshëm të BE-së dhe në zonën Schengen pa qenë ende anëtare të plota të unionit.

Por sipas demokratëve kjo kërkesë bie ndesh me rezolutat e miratuara më parë nga Kuvendi i Shqipërisë për anëtarësim të plotë në Bashkimin Europian dhe kërkojnë sqarime nga kryeministri për këtë iniciativë.

Në kërkesë theksohet gjithashtu shqetësimi për ndikimin që mund të ketë kjo qasje në procesin e integrimit dhe në interesat strategjike të Shqipërisë dhe Kosovës.

Pra, opozita i “ngre topa” Ramës dhe ky rregullon imazhin para ndërkombëtarëve.

gijotina.com/

Etiketa: Edi Rama