BE i përgjigjet Trump: Misioni detar nuk futet në Ngushticën e Hormuzit

Shefja e politikës së jashtme të BE-së, Kaja Kallas ka reaguar sërish lidhur me situatën e luftës në Iran dhe përshkallëzimin e tensioneve. Kallas ka ritheksuar se ministrat e Jashtëm treguan gatishmëri për të forcuar misionin detar në Lindjen e Mesme.

Megjithatë, Kallas nënvizon se ata nuk synojnë që  të zgjerojnë misionin detar në Ngushticë  e Hormuzit, të paktën për momentin.

“Në diskutimet tona kishte një dëshirë të qartë për të forcuar këtë operacion, por për momentin nuk ka asnjë dëshirë për të zgjeruar operacioni”, shtoi ajo.

Kjo deklaratë e Kallas vjen pas përsëritjes së thirrjes së Trump për kombet e tjera që të mbështesin SHBA-në.

Gjithashtu Komisioni Evropian nuk ka hequr dorë nga ideja e ndalimit të plotë të importit të naftës nga Rusia dhe u rekomandon të gjitha vendeve të BE-së, përfshirë Hungarinë dhe Sllovakinë, të përgatiten për këtë, tha Komisioneri Evropian për Energjinë Dan Jorgensen në një konferencë për shtyp.

“Komisioni ka ndërmend të paraqesë një propozim për të ndaluar importin e naftës nga Rusia”, tha Jorgensen.

“Siç e dini, tani ka sanksione, por ka dy vende që kanë përjashtime dhe ne do të paraqesim një propozim për ta ndryshuar këtë. Pra, të gjitha vendet duhet të përgatiten për këtë situatë”, shtoi ai.

gijotina.com/

Etiketa: BE Iran