Dy bjellorusë dhe 1 rus planifikonin një vrasje në Shqipëri, u kapën në Kosovë bashkë me “ushtarin” e Inez Hajrullës

Autoritetet në Kosovë arrestuan më 10 shkurt 2026 tre shtetas të huaj dhe një shtetas shqiptar, në lidhje me dyshime për plane kriminale në Shqipëri. Lajmi u bë publik në emisionin investigativ ‘Në Shënjestër’ nga gazetarja dhe autorja Klodiana Lala.

Autoritetet dyshojnë se grupi po planifikonte kryerjen e vrasjeve në Shqipëri. Sipas raportimeve, largimi i tyre nga Shqipëria u ndërpre pas bllokimit të dy makinave në Babicë të Madhe. Automjetet e bllokuara, një Nissan dhe një Audi Q5 me targa të huaja, përmbanin tre bidona benzinë dhe u konfiskuan gjithsej 112 kampionë të vlefshëm për ADN.