Arkeologët besojnë se mund të dalë në dritë një banesë me çati e përmasave të mëdha apo monument kulti bazilik. Kërkimet arkeologjike janë duke vazhduar për të përftuar më tepër informacion se çfarë potenciali fsheh kjo kodër.
Sipas arkeologut Andrea Pambuku, do të duhen më tepër financime për të vazhduar punimet edhe për disa javë të tjera dhe për të kuptuar më mirë se çfarë fsheh ky sit arkeologjik.
Nëse është bazilike, kjo sipas arkeologëve do të jetë e para e zbuluar në këtë zonë.
Një pjesë e Qeramikave të dala në dritë kanë qenë të plota, dhe objektet i përkasin periudhës së neolitit. Sipas arkeologut Niko Ferro bëhet fjalë për 6 shekuj vazhdimësi deri në antikitetin e vonë. Deri tani janë gjetur disa monedha, një tjegull e madhe e plotë me simbol, struktura me tulla, gur stralli etj. Objektet janë marrë në ruajtje nga arkeologët të cilët po bëjnë studimin e zonës.
Tashmë kjo zonë së bashku me zbulimet arkeologjike në fshatin Zgjanë, përbëjnë dy pika të reja arkeologjike për bashkinë e Lushnjës dhe priten të shpallen monumente kulture për tua treguar më vonë vizitorëve dhe turistëve. Disa nga këto gjetje janë ekspozuar në muzeun e Lushnjës.
Discussion about this post