Sikurse paralajmëroi një ditë më parë, kryetari i Bashkisë së Tiranës, Erion Veliaj ka vijuar me hakmarrjen për zgjedhjet në Shoqatën Rajonale Tiranë, ku kjo shoqatë zgjodhi Krenar Alimehmetin si drejtues dhe jo kandidatin që mbështeti fuqishëm Veliaj.
Veliaj në cilësinë e aksionerit të Klubit të Futbollit Tirana, ka kallëzuar penalisht Ilir Shulkun, sekretarin e përgjithshëm të FSHF dhe Adrian Haçin, Sekretar i Përgjithshëm i Shoqatës Rajonale të Futbollit Tiranë.
Padia është dorëzuar në prokurorinë e Tiranës, për dijeni edhe Prokurorisë së Përgjithshme, me akuzën “Falsifikimi i dokumenteve” dhe, “Shpërdorim detyre”, “parashikuar nga neni 186 dhe 248 i Kodit Penal.
Kujtojmë që ditën e djeshme u publikua një videopërgjim në të cilën dëgjohej Veliaj teksa shantazhonte me një fjalor banal 40 anëtarët e Shoqatës Tirana për të votuar kundër Dukës në zgjedhje e 2 marsit, duke ndikuar kështu drejtpërdrejt në zgjedhjet e FSHF dhe shfrytëzuar postin publik.
Discussion about this post