I ftohti që ka “pushtuar” vendin tonë prej disa ditësh, duke se ndihet edhe brenda në godinën e Kryesisë së Kuvendit të Shqipërisë. Sigurisht që qeveria ka menduar për vete dhe kanë pajisur zyrat me ngrohëse, por këto masa nuk u rezistojnë temperaturave të ftohta. Më shumë të ndjeshëm ndaj të ftohtit duket se janë dy deputetët e opozitës, Saimir Korreshi dhe Dashnor Sula.
Teksa mbahej mbledhja në Komisionin e Ligjeve ata në një moment janë ngritur dhe kanë shkuar pranë kondicionerit për tu ngrohur. I pari që është afruar pranë kondicionerit ka qenë deputeti Saimir Korreshi ndërsa më pas atij i është bashkuar pranë kondicionerit edhe Dashnor Sula. Vallë iu shkon ndonjëherë mendja deputetëve se si ja bëjnë në këto ditë dimri familjet që nuk kanë mundësi ngrohje, a po u jep ndokush zgjidhje për ta? Sigurisht që jo, politikanët tanë mendojnë vetëm për veten e tyre.
Discussion about this post