Disa minuta pas ministrit të Mbrjotjes, Nufi, ka dalë në parlament ministri i Brendshëm Besfort Lamallari që ka folur për paralajmerimin e djeshem te Ambasades Amerikane per sulme te mundshme te Iranit ne Shqiperi.
Ai u shpreh se është komunikuar me Ambasadën dhe postimi ka qenë në vazhdën e një sërë postimesh në shumë vende dhe nuk ka asnjë informacion konkret se vendi ynë mund të jetë shënjestër e sulmeve nga Teherani.
“Jo më larg se dje i kërkova strukturave të sigurisë publike dhe Anti-Terrorit të jenë në komunikim me Ambasadën dhe është konfirmuar se nuk ka asnjë informacion qoftë edhe inteligjencë në lidhje me një sulm të mundshëm. Postimi ka qenë në vazhdën e postimeve në të gjithë botën. Policia prej disa kohësh ka marrë masa shtesë. Shqipëria mbetet vend i sigurt përtej postimeve që për fat të keq ju i lexoni vetëm kur janë për Iranin jo kur janë për protesta me molotovë”, tha ai.
Kreu i grupit parlamentar të PS-së, Taulant Balla nga Kuvendi i është kthyer akuzave të PD-së sa i takon deklaratës së dhënë dje nga SHBA për një rrezik sulmesh nga Irani drejt vendit tonë.
Balla tha se opozita po e kthen këtë deklaratë në çështje politike, ndërsa shtoi se nuk ka asnjë shqetësim real nga institucionet.
“Po kthehet një deklaratë nga SHBA, për çështje politike. SHBA njofton çdo ditë qytetarët e saj për këto çështje. Ne përshëndesim presidentin Trump për këto veprime, sa i takon asgjësimit apo reagimit ndaj regjimit të Iranit. SHBA e kanë mbështetur Shqipërinë kur ne në mënyrë të vazhdueshme kemi qenë në shënjestër të sulmeve të Iranit dhe Gardës Islamike. Jemi krenarë që në Kuvendin e Shqipërisë kemi miratuar një deklaratë dhe për turpin tuaj nuk morët pjesë. Por e padëgjuar nga ju, që nga selia dilni dhe i shpallni luftë Iranit. Lëreni teatrin dhe bëni atë që duhet të bëjë çdo përfaqësues i përgjegjshëm. Autoritetet nuk kanë asnjë informacion se mund të jenë të rrezikuar. Ti boll na bërë sikur je përfaqësuesi i kongresit Amerikan, ti po jep llogari para drejtësisë se ke vrarë 26 persona.”, tha Balla.
Deputeti i PS-së, Erion Braçe shpërtheu nga Kuvendi pas debatit të krijuar për deklaratën e ambasadës së SHBA-ve për paralajmërimet dhe shqetësimet për sulmet e mundshme të Iranit ndaj Shqipërisë.
Braçe tha se duhet të kihet kujdes me deklaratat, që të mos krijohet panik dhe të reflektohet shqetësimi te ekonomia.
“Kush bën një deklaratë në këtë sallë, duhet të mendojë dhe për ekonominë. Paniku që përhapet në të tilla raste, godet ekonominë. Punën e tyre dhe të ardhurat e shqiptarëve. Duhet të ketë përgjegjshmëri në këtë sallë, këto duhet të diskutohen në komisione, me dyer të hapura dhe të mbyllura. Dhe atje për mos të shkaktuar panik me pasoja mbi ekonominë e shqiptarëve, apo me turizmin.
Kreu i grupit parlamentar të PD Gazment Bardhi ka kërkuar që kryeministri Edi Rama të jetë i pranishëm në sallën e Kuvendit e të japë përgjigje në lidhje me deklaratën e dhënë ditën e djeshme nga ambasada e SHBA NË Tiranë për rrezikun e sulmeve nga Irani.
Ai u shpreh se reagimi i Kryeministrisë është përpjekje për të diskretituar Shtetet e Bashkuara, dhe se anëtarët be NATO nuk kanë besim te qeveria shqiptare përderisa nuk janë ndarë informacione mbi rastin.
Çështja e sigurisë kombëtare nuk është çështje kafenesh, sepse thatë duhet t’i bëjmë jo në publik jo në seancë plenare. A Twitter-i nuk janë janë çështje të qeverisë. Për të mos ngjallur shqetësim te shqiptarët them se ne si deputetë nuk kishim asnjë informacion mbi deklaratën e Ambasadës.
Një qeveri që për vite të tëra nuk pa 98% të territoreve të lira të mbjella me kanabis nuk mund të jetë e besueshme. Ta quash deklaratën e Ambasadës si hamendësim na bën qesharakë dhe tregon që nuk kemi bashkëpunim me partnerin tonë strategjik dhe se anëatrët e NATO nuk kanë besim mes njëri-tjetrit.
Reaimi i ardhur dje nga Kryeministria është që shqiptarët nuk duhet t’i besojmë SHBA, është tentativë për të diskretituar Shtetet e Bashkuara, ndaj në mbështetje të Rregullores kërkojmë që Rama të jetë këtu e të na përgjigjet.
gijotina.com/
Discussion about this post