Një hendek gjithnjë e më i madh po regjistrohet në bankat e vendit tonë midis kursimtarëve të mëdhenjtë dhe atyre të vegjël.
Ndërsa paratë në këto institucione financiare po shtohen nga viti në vit, Agjencia e Sigurimit të depozitave bënë të ditur se për vitin 2025 sasitë më të mëdha janë depozituar më së shumti nga një pakicë e vogël e individëve.
Nga 13.1 miliardë euro para të ndodhura në kursimet banka, 5% e depozitesve zotërojnë mbi 60% të tyre.
Janë 137.5 mijë depozitues individë, kursimet e të cilëve janë më të mëdha sesa 2.5 milionë lekë. Ndërsa përbëjnë një përqindje të vogël të totalit, shuma e depozitave të tyre arriti vlerën 8.1 mld euro.
Deri në fund të vitit 2025, individët në vend kishin të hapura gjithsej 2.93 milionë llogari bankare, të cilat janë të sigurueshme, ose 5% më shumë se një vit më parë. Në këto llogari bankare, sipas ASD-së kishte gjithsej 1.39 trilionë lekë, me një rritje prej 8.8% me bazë vjetore.
Por ndërsa llogaritë shtohen e kursimet rriten, vihet re dhe një rritje e llogarive bosh nëpër banka.
Agjencia e Sigurimit të Depozitave në raportin e saj vjetor për vitin 2025 bënë të ditur se një e treta e depozitave është me zero lekë.
Mbi 1 milionë llogari kanë 0-100 lekë, nga 2.92 mln llogari të evidentuara. Një tendencë që tregon qartë rritjen e pabarazisë ekonomike në vend, ku gjithnjë e më shumë para përqendrohen në duart e gjithnjë e më pak individëve.
gijotina.com/
Discussion about this post