Pa etiketë dhe pa afat skadence, AKU bllokon 4 tonë produkte bimore mjekut popullor Ylli Merja

Autoriteti Kombëtar i Ushqimit (AKU) njofton se, pas një denoncimi të bërë nga qytetarët, ka kryer kontroll në subjektin “Merja”, me pronar Ylli Merjen, i vendosur në lagjen Shkozë.

Gjatë inspektimit të magazinës, inspektorët konstatuan 3,984 kg produkte të miksuara – bimë të thata të ambalazhuara në thasë plastikë – të paetiketuara, pa informacion mbi afatin e përdorimit, origjinën apo përbërjen e tyre.

Si pasojë, AKU vendosi bllokimin e menjëhershëm të gjithë sasisë së produkteve në magazinë.

Masë administrative gjobë prej 200,000 lekësh për mungesën e gjurmueshmërisë së produkteve.

Masë administrative gjobë prej 100,000 lekësh për moszbatimin e sistemit të vetkontrollit, duke përfshirë skedat e monitorimit gjatë procesit të miksimit.

AKU nënvizon se mbetet e angazhuar për të ndaluar çdo praktikë që cenon sigurinë ushqimore dhe fton qytetarët të denoncojnë çdo parregullsi përmes e-mailit [email protected]

ose në numrin e gjelbër 0800 75 75.

gijotina.com/

Etiketa: Aku