Temperaturat deri në -20 gradë celsius kanë përfshirë vendin tonë prej dy ditësh. Autoriteti Rrugor Shqiptar ka bërë me dije se temperaturat nën zero kanë sjellë ngrica në rrugë por fatmirësisht qarkullimi bëhet pa probleme në të gjithë akset kombëtare.
Sipas ARRSH-së qarkullimi me zinxhirë bëhet vetëm në akset Qafë-Thore Theth dhe Kukës-Shishtavec për shkak të pranisë së borës dhe të akullit në rrugë.
Gjithashtu bëhet apel të gjithë drejtuesve të mjetëve që të respektojnë shpejtësinë në rrugë dhe të mos lëvizin pa goma dimërore dhe zinxhirë.
Drejtuesit e mjeteve, duhet të bëjnë kujdes në lëvizje, të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore, thuhet në njoftimin e ARRSH.
Discussion about this post