Vlorë/ Kamerat kapin momentin, i riu i dehur dëmton bizneset në qendrën tregtare

Në një qendër tregtare në Vlorë, një person i dehur dhe nën ndikimin e lëndëve narkotike ka hyrë në ambientet e katit të dytë, duke shkaktuar dëme të konsiderueshme materiale.

Ai ka thyer vitrinat dhe dyert prej xhami të disa dyqaneve.

Sipas pamjeve të kamerave të sigurisë të bizneseve në këtë qendër tregtare, personi, rreth 30 vjeç, ofendon dhe shan, ndërkohë që vijon të dëmtojë bizneset.

Pamjet janë dorëzuar pranë policisë, e cila pritet të zbardhë rrethanat e ngjarjes dhe të identifikojë autorin, duke e vënë atë përpara drejtësisë.

gijotina.com/