Ngjarjet e fundit kriminale kanë vënë sot në lëvizje forcat e policisë në Fier.
Mësohet se mbrëmjen e sotme uniformat blu të ndihmuar dhe nga forcat “Shqiponja” kanë ngritur pika të shumta kontrolli. Kryesisht hyrje-daljet e qytetit janë të bllokuara e po kontrollohet çdo makinë.
Në fokus të këtyre kontrolleve është kapja e personave të shpallur në kërkim e të atyre që qarkullojnë me armë zjarri. Nuk dihet nëse policia ka ndonjë emër konkret për të cilin mund të ketë angazhuar forcat blu.
Kriminaliteti në Fier u rrit në 2021. 10 vrasje nga të cilat 2 ende të pazbuluara, 8 vrasje të tjera të mbetura në tentativë, dhe me 14 plagosje të rënda tronditën çdo cep të qarkut.
Edhe dhuna në familje shënoi rritje në këtë qark ku u regjistruan 142 vepra penale, ndërsa 396 raste janë trajtuar me urdhër mbrojtjeje. A.L/gijotina.com
Discussion about this post