Alban Bejleri, mësues në fshatin Marjan, në bashkinë e Maliqit ka ndërruar jetë ditën e sotme si pasojë e një ataku kardiak.
Bejleri, i cili kishte një eksperiencë prej tre dekadash në arsim, kishte jetuar pesë vitet e fundit në këtë zonë të thellë, ku jepte mësim për vetëm dy nxënës.
Sipas raportimeve në media, ai përshkonte çdo ditë në këmbë rreth 7 deri në 8 kilometra për të arritur në shkollë, duke u përballur me kushte të vështira infrastrukturore dhe lodhje fizike.
Familjarët dhe kolegët e tij kanë reaguar me dhimbje dhe indinjatë pas ngjarjes, duke ngritur shqetësime për kushtet e punës dhe për përgjegjësinë e politikës në sistemin arsimor, sidomos në zonat rurale.
Discussion about this post