Detaje të reja janë zbardhur në lidhje me krimin e rëndë që tronditi Lezhën, ku 17-vjeçari Florian Përvathi i mori jetën për gjakmarrje 65-vjeçarit Lek Lekgjonaj.
Në dëshminë para togave blu, Përvathi ka treguar se e kishte thurur prej kohësh planin, ndërsa ka thënë se ishte pajisur me armë prej të paktën 1 viti, por pa treguar se si e kishte siguruar pistoletën me mulli me të cilën kreu vrasjen.
“Kisha kohë që e kisha planifikuar vrasjen, armën e kam pasur që prej një viti”, mësohet të ketë thënë i riu, i cili nuk ka shfaqur pendesë për krimin e kryer.
17-vjeçari menjëherë pas ngjarjes ka shkuar tek zyra informacionit në Komisariatin e Policisë Lezhë ku ka lënë armën mbi tavolinë dhe i traumatizuar e në gjendje të rënduar psikologjike ka thënë se kishte qëlluar me armë. Menjëherë blutë janë vënë në lëvizje dhe të orientuar nga i riu të cilin e morën me vetë kanë shkuar në vendin e ngjarjes.
Aty gjeten të vrarë 65-vjeçarin Lek Lekgjonaj, vëllai i të cilit kishte vrarë babanë e Florianit para disa vjetësh, dhe po në të njëjtën ditë ai humbi dhe nënën pasi në gjendje të rëndë psikologjike i dha fund jetës.
Discussion about this post