Forcat operacionale, në bashkëpunim me Drejtorinë e Përgjithshme të Burgjeve, kanë zhvilluar kontrolle të befasishme në ambientet e paraburgimit në Vlorë.
Burime bëjnë me dije se efektivët kanë mbërritur pak minuta më parë dhe po kryejnë verifikime të detajuara, si dhe kontrolle të imtësishme në të gjitha ambientet e institucionit.
Ky aksion është pjesë e kontrolleve rutinë që po zhvillohen në të gjitha institucionet e vuajtjes së dënimit në vend, me synim rritjen e sigurisë dhe parandalimin e aktiviteteve të jashtëligjshme brenda tyre.
Në operacion kanë marrë pjesë edhe forca mbështetëse nga institucionet e vuajtjes së dënimit në Fier dhe Peqin.
Forcat operacionale të Drejtorisë së Përgjithshme të Burgjeve kanë përfunduar kontrollet në ambientet e paraburgimit të Vlorës, të cilat zgjatën rreth dy orë.
Pas përfundimit të këtij aksioni, forcat operacionale janë larguar nga Vlora për të vijuar kontrollet edhe në institucione të tjera të vuajtjes së dënimit në vend.
Discussion about this post