Këshilli Bashkiak i Vlorës ka miratuar vendosjen e një tarife prej 700 lekësh për përdorimin e plazheve publike, një vendim që ka shkaktuar debat mes këshilltarëve.
Projektvendimi u votua nga shumica e këshilltarëve të majtë, ndërsa opozita doli kundër. Në votim u vu re edhe një devijim nga radhët e mazhorancës, pasi një këshilltare socialiste votoi kundër, duke mos mbështetur qëndrimin e grupit.
Përfaqësuesi i Partisë Demokratike në Vlorë, Atird Hoxha, e kritikoi vendimin, duke e cilësuar atë të paqartë dhe jo transparent për qytetarët.
“Vendimet merren, por mungon transparenca për projekte të tilla. Sa herë ndërhyhet, qytetarët nuk shohin përfitim konkret”, u shpreh ai, duke shtuar se tarifa përbën një barrë shtesë për pushuesit.
Nga ana tjetër, përfaqësues të shumicës argumentuan se vendosja e tarifës lidhet me menaxhimin dhe mirëmbajtjen e hapësirave publike bregdetare, megjithëse detaje të plota mbi zbatimin e saj nuk u bënë publike gjatë mbledhjes.
Debati mbetet i hapur, ndërsa çështja e aksesit falas në plazhet publike vijon të jetë një nga temat më të ndjeshme për qytetarët dhe pushuesit.
Me sa duket, kjy eshte testi i pare i kryeministrit Rama. Projekti pritet te miratohet ne heshtje edhe ne bashkite e tjera bregdetare.
gijotina.com/
Discussion about this post