Policia e Tiranës ka dhënë detaje në lidhje me shpërthimin me lëndë plasëse në dyqanin për shërbim interneti ‘MCN Get Connected’ në pronësi të Endri Meksit.
Sipas policisë si pasojë e shpërthimi ka vetëm dëme materiale, ndërsa policia po punon për zbardhjen e ngjarjes.
“Rreth orës 04:30, në rrugën “Xhanfize Keko” në dyqanin për shërbime interneti në pronësi të shtetasit E. M., ka shpërthyer një sasi dyshohet lëndë plasëse, duke shkaktuar vetëm dëme materiale.
Grupi hetimor së bashku me shërbimet e Policisë po punojnë për sqarimin e rrethanave të rastit dhe identifikimin dhe kapjen e autorit”, thotë policia.
Njoftimi i policisë
Me 31 mars 2026, Drejtori i Përgjithshëm i MCN TV, Endri Meksi, është paraqitur këtë të martë në Prokurorinë e Tiranës lidhur me denoncimin e bërë publik nga vetë ai dy ditë më parë për kërcënime të përsëritura dhe njerëz me maska në oborrin e televizionit.
Dy ditë më parë, Meksi denoncoi publikisht në një intervistë live kërcënimet dhe shantazhet e shumëfishta ndaj tij, të cilat i lidhi me aktivitetet e tij në biznese të ndjeshme.
Meksi tha se pavrësisht kallëzimeve të bëra ka pasur mungesë reagimi dhe transparence nga institucionet.
gijotina.com/
Discussion about this post