Sulmuesi i Kombëtares shqiptare gjen rrugën e rrjetës pas… 6 muajsh

Zhbllokohet më në fund Indrit Tuci. Pas një periudhe të vështirë, te skuadra e Kajserispor, ku iu dheshën 6 muaj pritje, sulmuesi i Kombëtares shqiptare ka gjetur më në fund rrugën e rrjetës.

25-vjeçari u hodh nga stoli në minutën e 44-t, duke zënë vendin e Onugkhas të dëmtuar, teksa në minutën e 60-të, tund rrjetën pas asistit të Kardozos, në një ndeshje tepër të tensionuar, ku skuadrës së shqiptarit iu anulua një gol në minutën 45+6, duke shkaktuar trazira të shumta nga tifozët, që kontestuan vendimin e arbitrit.

Ky ishte goli i tretë për Tucin në këtë edicion, teksa është aktivizuar 18 ndeshje. Hera e fundit që Tuci shënonte me Kajserisporin ishte 2 nëntori i vitit 2025 në triumfin 3 me 2 ndaj Kasimpasha.

gijotina.com/

Etiketa: indrit tuci