Ministrja e Arsimit, Evis Kushi, ka deklaruar ditën e sotme se ditën e nesërme shkollat do të rihapin dyer dhe do të vijojnë mësimin normalisht. Sa përket kritikave të marra për mbylljen e shkollave për tre ditë, ministrja u justifikua duke thënë se të njëjtën gjë bënë edhe shtet fqinje.
“Lajmi i mirë është që nesër do të kthehen në shkolla. Ne të gjithë e pamë që temperaturat ishin jo të zakonshme për vende si Shqipëria. Kjo nuk është gjë që ndodh vetëm në Shqipëri, edhe Greqia të hënën i mbylli shkollat, edhe Turqia i mbylli shkollat. Arsyeja nuk ka qenë vetëm problematika e ngrohjes. Ne kemi përgjegjësi që në momentin që dalin nga shtëpia. Kështu që marrim masa. Çerdhet e kopshtet janë në varësi të bashkive, por prindërit nuk janë të detyruar që t’i dërgojnë fëmijët e tyre. Ishte një periudhë 3-ditore që sipas ekspertëve ishte e nevojshme”, tha Kushi.
Por, vlen të përmendim diçka se në Greqi dhe Turqi kushtet atmosferike ishin shumë më keq se në vendin tonë. Të dy shtet u bllokuan tërësisht nga reshjet e dendura të dëborë dhe nuk ishte shkak mungesa e ngrohje në shkolla për pezullimin e mësimit.
Discussion about this post