U arrestuan në protestën opozitare të 17 Prillit, Gjykata e Apelit liron nga qelia 5 të ndaluarit (Emrat)

Gjykata e Apelit ka liruar nga qelia 5 protestuesit e Partisë Demokratike, të arrestuar pas protestës së 17 prillit.

Bëhet fjalë për shtetasit:

Klemend Çuçka
⁠Bujar Tusha
⁠Henri Shapllo
⁠Mirvet Toçilla
Sem Bici

Ndaj tyre u caktua fillimisht masa “arrest me burg”, por Apeli ka ndryshuar ditën e sotme masën duke i lënë në “detyrim paraqitje”.

Kujtojmë se 5 protestuesit u arrestuan gjatë protestës së Partisë Demokratike, pasi u akuzuan për hedhje të molotovëve, mjete piroteknike dhe dhunë ndaj policisë.

Në një prononcim për mediat, Noka tha se protesta e opozitës është paqësore dhe do të vazhdojë deri në çrrënjosjen e narkoregjimit.

“25 ditë burg të pesë qytetarëve të pafajshëm ia ka borxh Edi Rama dhe Skënder Hita së bashku me banditët me dhe pa uniformë të policisë, pesë qytetarëve. Ia ka borxh këtë presion familjarëve të tyre dhe sigurisht opozita po mban shënim. Opozita mban shënim çdo narkopolic që firmos arrestime të paligjshme.

Mban shënim çdo presion që i bëhet gjykatës, sipas informacioneve tona, për të lënë në fuqi burgosjet e paligjshme, mban shënim çdo akt kriminal ndaj protestuesve dhe për këtë përgjegjës do të jenë vetëm dy: Edi Rama dhe Skënder Hita.

Protesta dhe kryengritja jonë paqësore do të vazhdojë deri në çrrënjosjen e narkoregjimit dhe derisa t’i hapet rrugë zgjidhjes politike për të për t’i ofruar Shqipërisë stabilitet. Me të gjitha këto veprime, Edi Rama së bashku me bandën e tij kriminale, po i ndihmojnë shumë dhe po investojnë për destabilizetin e vendit”, u shpreh ai.