Kreu i PD-së, Sali Berisha, u shpreh se brenda Partisë Socialiste po ndodhin përplasje të forta mes eksponentëve të saj dhe se Belinda Balluku disponon dosje që përfshijnë Ulsiun dhe të gjithë figurat kryesore të PS-së.
Ai shtoi se incidenti në zyrën e Kryeministrit, ku Rama i kërkoi Ballukut të jepte dorëheqjen pas kërkesës së SPAK-ut, është një moment kyç dhe i vërtetë, duke përshkruar tensionet e drejtpërdrejta mes aktorëve politikë dhe komunikimet e brendshme që kanë regjistruar çdo lëvizje dhe mesazh të eksponentëve socialistë.
Berisha theksoi se këto informacionet i ka nga burime të besueshme dhe janë të njohura edhe për disa figura si Peleshi, ndërsa paralajmëroi për rreziqet që këto veprimtari mund të kenë për publikun shqiptar.
“Unë dje në parlament ju deklarova me përgjegjësi të plotë dhe ju garantoj që ato që them i kam absolutisht me informacione burimore. Ka patur një skenë e nderuar zonjë.
Në takimin që është zhvilluar në kryeministri pas kërkesës së SPAK-ut për të për të anuluar nga detyra Lubi Ballukun, në debatin që kanë patur Rama dhe Balluku, e vërteta, fillimisht Rama i ka kërkuar t’i japë dorëheqjen.
Ajo i ka thënë që absolutisht jo. Kur ky i ka përmendur mesazhet që ka. Po thotë, ato tuat janë shumë më të këqija, i ka thënë aty.
Mesazhet e tua, i ka thënë, janë më të shumta dhe më të këqija. Dhe tani, që t’i dish, ta dinë shqiptarët. Në përballjen e tyre, si t’ia bëjmë, ky i ka kërkuar ta çojë në Gjykatë Kushtetuese.
Jo ka thënë, ky nuk e çoj. Se kjo më nxjerr mua, rruga e vetme.
Dhe ky ka thirrur aty dy persona, Edi Rama, Ulsi Manjën edhe Engjëll, Don Agaçion. I ka thirrur me qëllim që këta të bindin Lubinë që ky s’mund ta çojë në Gjykatë Kushtetuese. Muret kanë veshë. Pikë.
Në momentin kur Uluziu i thotë asaj se jo, këtë s’e bën dot Rama kurrsesi, se nuk legjitimohet e këto, këto, këto.
Ajo i bën vetëm këtë kërkesë. Më shih pak drejt në sy mua, i thotë ajo. Dhe i ka ngulur sytë dhe zbehu Ulsiu. I ka ngulur sytë. Absolutisht është e vërtetë.
Më shih pak drejt në sy mua, i tha njëherë, ti që thua s’e bën dot ky. Ulsiu është qepi. Atij i t’i di, i kuptoi një gjë tjetër.
Tani, Ulsiu, domethënë, kjo është e njohur që me Oltion Bistrin, kjo krijoi një linjë regjistrimesh të telefonave dhe të gjithë komunikimeve në internet. Dhe kjo ka regjistruar, me Ramën apo vetëm, ato kaq hollësisht unë s’mund t’i them.
Po ka regjistruar çdo njeri që ka dashur, shqiptarë dhe të huaj. Përfshi ambasadat, përfshi ata që hyjnë, përfshi ata që, të gjithë me Oltion Bistrin. Dhe kjo u ka bërë dosje të gjithë eksponentëve të PS-së.
Dhe ndaj dhe Ulsiu i thotë, tani do marrësh mua të më paraqesësh në Dibër ti mua. Me selfie. Edhe paraqitet në rrugët e Dibrës një hajdute që e ka vendin 36 vite burg. Kjo është e gjithë e vërteta e tyre.
Mirëpo këto s’i di vetëm unë. Këto i dinë dhe Peleshi. Këto i dinë disa aty. Kjo është, prandaj dhe ajo kacafytja mbrëmë, sepse ky shkon bëhet langaraq. Ky e merr hajduten dhe e paraqet atje si figurë popullore.
Nuk ka njeri më të nxirë se ajo atje, apo jo? Pra, është një përpjekje. Po, edhe mediat ju ftoj që t’i t’ua përshkruajnë këtë veprimtari jashtëzakonisht të rrezikshme për shqiptarët”, u shpreh Berisha.
Discussion about this post