Sonte finalja e Eurovision, Shqipëria e pesta në skenë! ‘Nan’ bëhet hit i edicionit 2026

Shqipëria do të përfaqësohet në finalen e madhe të Eurovision Song Contest 2026 me këngën Nan, interpretuar nga Alis. Në garën për trofeun e këtij viti marrin pjesë 25 shtete, ndërsa nata finale do të hapet nga Danimarka. Artistja shqiptare do të ngjitet në skenë e pesta në renditjen e performancave, ndërsa Austria, vendi mikpritës i edicionit 2026, do të mbyllë spektaklin me performancën e saj të fundit në skenën e Wiener Stadthalle. Pas performancës së fuqishme në gjysmëfinalen e dytë, “Nan” u kthye në një nga këngët më të komentuara dhe më të klikuara të mbrëmjes, duke rritur pritshmëritë për rezultatin e Shqipërisë në finale.

Organizatorët kanë bërë të ditur se sistemi i votimit për finalen do të hapet pak para interpretimit të këngës së parë dhe do të mbetet aktiv gjatë gjithë performancave, si edhe për 40 minuta pas këngës së fundit. Publiku do të ketë mundësi të votojë deri në 10 herë për këngën e preferuar. Interesi për performancën shqiptare është rritur ndjeshëm edhe në rrjetet sociale, ku fansat e Eurovision po vlerësojnë interpretimin emocional dhe skenografinë moderne të Alis, duke e konsideruar “Nan” një nga hyrjet më të forta të Shqipërisë në vitet e fundit.

Renditja e shteteve në natën finale:

1. Danimarkë: Søren Torpegaard Lund – Før Vi Går Hjem
2. Gjermani: Sarah Engels – Fire
3. Izrael: Noam Bettan – Michelle
4. Belgjikë: ESSYLA – Dancing on the Ice
5. Shqipëri: Alis – Nân
6. Greqi: Akylas – Ferto
7. Ukrainë: LELÉKA – Ridnym
8. Australi: Delta Goodrem – Eclipse
9. Serbi: LAVINA – Kraj Mene
10. Maltë: AIDAN – Bella
11. Çeki: Daniel Zizka – CROSSROADS
12. Bullgari: DARA – Bangaranga
13. Kroaci: LELEK – Andromeda
14. Mbretëria e Bashkuar: LOOK MUM NO COMPUTER – Eins, Zwei, Drei
15. Francë: Monroe – Regarde!
16. Moldavi: Satoshi – Viva, Moldova!
17. Finlandë: Linda Lampenius x Pete Parkkonen – Liekinheitin
18. Poloni: ALICJA – Pray
19. Lituani: Lion Ceçah – Sólo Quiero Más
20. Suedi: FELICIA – My System
21. Qipro: Antigoni – JALLA
22. Itali: Sal Da Vinci – Per Sempre Sì
23. Norvegji: JONAS LOVV – YA YA YA
24. Rumani: Alexandra Căpitănescu – Choke Me
25. Austri: COSMÓ – Tanzschein