Kreu i PS Këlcyrë, Hodjan Selmani, njëkohësisht dhe drejtor i Spitalit të Përmetit, ka grushtuar dy punonjës policie, ndërkohë që ngjarja mbetet e pazbardhur nga politika.
Mësohet se gjithçka ka ndodhur ditën e enjte në kryqëzimin e Ballabanit, ku kryetari i PS Këlcyre, Hodjan Selmani, i shoqëruar nga tre miq të tij, Xhafer Serani, Leonard Canaj dhe Mariglen Dhosi, të tre punonjës të administratës shtetërore, janë kacafytur me dy punonjës policie të patrullës.
Shkaku ka qenë parkimi i gabuar i automjetit të kreut të PS Këlcyrë ç’ka ka sjellë reagimin e policëve. Tonet kanë qenë të ashpra nga ana e kryesocialistit këlcyrjot dhe mes tre miqve të tij ndaj policëve që kryenin detyrën e tyre.
Nisur dhe nga pozita e drejtuesit të degës së PS dhe sikurse e kanë zakon këta drejtues, që janë lodhur nga pushteti 13 vjeçar, Selmani ka shtyrë dhe ofenduar dy pjestarë të Policisë së Shtetit Mihal Dori dhe Ramadan Murati të cilët po kryenin veçse detyrën.
Por përplasja fizike nuk është ndalur me kaq, pasi në të janë përfshirë dhe shoqëruesit e Selmanit, që dhe këta të dehur nga pushteti dhe që i trimëron Selmani, kanë qenë aktivë në ofendime dhe kacafytje me policët.
Mësohet se kryesocialisti Selmani nxiti të reagonin miqtë e tij ndaj patrullës policore. Personat që u përfshinë në këtë përplasje të turpshme rilindase me punonjës të thjeshtë të policisë së shtetit, janë “shpurra” që shoqëron Selmanin.
Discussion about this post