Të shtëna me armë zjarri janë raportuar në Shkodër.
Një 60-vjeçar është kërcënuar me armë zjarri mbrëmjen e sotme pas një sherri për pronën.
Sipas policisë rreth orës 19:05, në fshatin Kasnec, Njësia Administrative Pult dy vëllezërit me inicialet P. A., 54 vjeç dhe N. A., 46 vjeç banues në fshatin Dukagjin i Ri Krujë i shkuan në shtëpi 60 vjeçarit me inicialet N. U. dhe qëlluan me armë zjarri në ajër në oborrin e banesës së tij duke e kërcënuar.
Shërbimet e policisë me marrjen e njoftimit kanë shkuar menjëherë ë vendin e ngjarjes dhe vijon krehja e zonës me qëllim kapjen e autorëve. Grupi hetimor po punon për sqarimin e rrethanave të ngjarjes.
Discussion about this post