Erion Veliaj ka ashpërsuar gjuhën për të vënë në zotërim Federatën Shqiptare të Futbollit, duke kaluar në kërcënime direkte për familjen Duka.
Kjo është konfirmuar nga nga një sms dërguar Leonard Kokës, vëllai i Lefter Kokës, në të cilin Veliaj flet me gjuhë kërcënuese në adresim të Armando Dukës. Sipas mesazhit të siguruar nga Gijotina.com, gjuha e përdorur nga kryebashkiaku i Tiranës i tejkalon normat, duke qenë një kërcënim i drejtpërdrejtë.
“Terin e kam vlla, më shumë se ty! Mondi të iki vetë, e të shpëtojë lëkurën! Dhe ti ke rol kyç – o bëj intriga lart e poshtë, o shpëtoje atë familje sa nuk është vonë”, mesohet se ka kërcënuar hapur Veliaj.
Ky mesazh është një provë e fortë se Veliaj po përdor gjithë arsenalin e rëndë për të futur në dorë FSHF-në, ose siç u shpreh ai në audiopërgjim, ishullin që nuk kontrollon. Ky mesazh i administruar tashmë nga Gijotina.com është një provë e fortë edhe për prokurorinë speciale SPAK që të nisë një hetim urgjent për kërcënime serioze për jetën nga kryebashkiaku i Tiranës, i cili ka tejkaluar gjuhën e një rrugaçi, e duke folur me fjalët e një krimineli.
Kërcënimi bëhet publik vetëm dy ditë pasi presidenti i FSHF, Armando Duka u sulmua me tritol në familjen e tij, ndërkohë që ndërhyrjet politike të Veliajt kanë nisur 10 ditë më parë me oferta të çmendura parash për anëtarët e shoqatës që të tërhiqen nga gara. Por siç duket, duke qenë se kjo skemë u demaskua deri në instancat më të larta botërore të futbollit, tashmë nga ofertat, rregullat e lojës kanë kaluar me kërcënime të drejtpërdrejta për jetë njerëzish.
Gijotina.com
Discussion about this post