Kryetari i Partisë Demokratike, Sali Berisha, ka komentuar debatet e fundit që kanë shoqëruar projektet e investimeve të propozuara për ishullin e Sazanit dhe zonën e Zvërnecit.
Në deklaratën e tij, Berisha hodhi poshtë kritikat ndaj projektit, duke i kkonsideruar krikët si një grup hipokritësh.
“Ata që qajnë elegjinë e Sazanit janë një grup hipokritësh. Të derdhin lot sa të duan, se jam marrë direkt, edhe Fatos Nano është marrë. Ua kemi ofruar investitorëve dhe nuk është investim i thjeshtë,” u shpreh lideri i demokratëve.
Berisha argumentoi se ideja për tërheqjen e investitorëve në Sazan nuk është e re dhe se përpjekje në këtë drejtim janë bërë prej vitesh nga drejtues të ndryshëm politikë. Sipas tij, projektet e parashikuara kanë karakter strategjik dhe nuk mund të konsiderohen investime të zakonshme.
Duke folur për shqetësimet që lidhen me ndikimin në mjedis, ai theksoi se zhvillimi i projekteve nuk do të dëmtojë vlerat natyrore të zonës. Kreu i PD-së bëri gjithashtu dallimin mes statusit të Sazanit dhe Zvërnecit, duke nënvizuar karakteristikat specifike të secilës zonë.
Sipas Berishës, vlera më e veçantë e Sazanit nuk lidhet me vijën bregdetare apo hapësirën detare, por me bimësinë e rrallë që është zhvilluar në kushte të veçanta natyrore dhe që, sipas tij, do të mbetet e mbrojtur.
Ai shtoi se situata në Zvërnec është e ndryshme, pasi bëhet fjalë për një zonë me prona private dhe me traditë banimi ndër breza.
Berisha ritheksoi se Partia Demokratike mbështet investimet e huaja, por duke vendosur si kusht respektimin e standardeve mjedisore.
“Ne mbështetëm investimin e huaj, por ne jemi parti që qëndrojmë plotësisht për respektimin e mjedisit,” përfundoi Berisha.
Kryedemokrati këshillon kryeministrin Edi Rama se duhet të takohet me mjedisorët dhe t’u garantojë atyre se projekti do të ndërtohet në përputhje me standardet e BE-së duke mos cenuar kushtet për zonën si peisazh natyror.
“Pavarësisht se si e ndryshon ti ligjin, por është peisazh i mbrojtur atëherë do të ulesh me mjedisorët dhe do t’u japësh garanci, tu thuash që ju nuk jeni që të ndërtohet fare, ne do të ndërtojmë në përputhje me standatet e BE. Jo I ka të përcaktuara. Kjo zonë e bën Shqipërinë të famshme në botë se është fantazi dhe stër mrekulli natyrore. Por me kusht që të mos ta shëmtosh, shkatërrosh e zhvillosh në përputhje me të gjitha kushtet. Herën e fundit në fjalën e tij, tha iu kam thënë atyre që të zgjidhnin prblemeët me pronarët.
Dy burime më thonë se nëse merr pretendimet e njerëzve për pronësi në atë zonë, t’i marrësh të gjitha në sipërfaqe bëhen 28 mijë kilometra katrorë. Si mund ta zgjidhë një i huaj këtë. Me hajdutë si Pëllumb Petriti… Kur iu thosha kryemafiozi i jugut, Ergys Agasi e të tjerë ku janë ata. Aty ligji dhe shteti duhet të jetë garanti.
Ndaje dhe me ato frazat që kishte futur dje, atyre iu kam thënë që ato cështjet e pronësisë duhet t’i zgjidhni ju. Shko atje e pyet. Nuk i zgjidh dot kush sepse ke ndryshuar 17 drejtorë të Kadastrës në Vlorë vetëm për këtë arsye. Nuk ndodh në botë, je në Guinness. Kryen një porosi, ik dhe merr para. Aty duhet të jetë shteti që duhet të garantojë”, tha Berisha.
Discussion about this post