Kryeministri Edi Rama ka ndarë mëngjesin e sotëm në rrjetet sociale një video që I është dërguar nga një qytetar i Vlorës, ku shihet se zona është e mbuluar me mbeturina.
Kryeministri Rama shkruan se me investimin 4 miliardësh, kjo zonë do të kthehet në një perle turizmi.
“MIRËMËNGJES dhe me këtë mesazh të nxjerrë nga telefoni im bashkë me videon e mëposhtme (pasqyrë e qartë e realitetit të trishtë të parajsës që armiqtë e Shqipërisë Europiane, konkurrentët e Shqipërisë Turistike dhe të verbërit e “Shqipërisë së shqiptarëve” duan ta mbajnë të gjithë bashkë tamam kështu si është sot – siç do ta shihni vetë – tokë të ndotur e të paprekur nga tradhtia ime, që dua të sjell një investim 4 miliardë në funksion të një projekti që e kthen Vlorën në beben e syrit të turizmit në këtë anë të botës, ndërsa Shqipërinë e ngjit në Ligën e Kampionëve të turizmit botëror), duke shpresuar që tanimë t’ju jetë pastruar gjaku nga helmi i luftës hibride online atyre të mive, që u dëshpëruan prej një rreziku imagjinar, ju uroj të gjithëve ju një ditë të mbarë”, shkruan Rama.
Ndërkohë në vetëm një orë, rreth 1000 komentues e kanë kritikuar Ramën , duke i thënë se zona ka mbetur në atë gjendje ndërkohë që është detyrë e mazhorancës dhe pushtetit lokal që të kryejë pastrimin e saj.
“Propaganda që bën njësoj nuk e lehtëson keq menaxhimin e vendit, dëgjoje popullin je punëtor i tij”, “Kryetar dërgo një makinë t’i mbledhë ato mbeturina dhe lëre propagandën enveriste”, “Po ca bëre ti gjithë këto vite në pushtet???
Me këtë video tregon që s’ke bërë asgjë veçse ke vjedhur bashkë me shokët e tu”, “Ajo është fytyra e qeverisjes suaj ,shteti ka ligje ka polici rendi ka polici bashkiake ,inspektor mjedisi etj inspektoriate qe gelltisin miliona dhe ja rezultati po e tregon vet moseficencen e inspektoriateve te teritorit KUSH PESHTYN LARTE I BI MBI KOKE”, ishin disa nga komentet.
Discussion about this post